Skip to content
+682 29370[email protected]
Search:
Facebook page opens in new windowYouTube page opens in new window
Ministry of Internal Affairs
Te Tango Ropianga
Ministry of Internal AffairsMinistry of Internal Affairs
  • Home
  • Employment
  • COVID19 Support
    • MIGRANT WORKERS
    • WORKERS
      • Employment Services
      • Unemployment Benefit
      • Migrant Workers
    • BUSINESSES
      • Self Isolation Support
      • Wage Subsidy
      • Training Subsidy
    • FAMILY, ELDERLY & CHILDREN
      • One Off Welfare Support
      • School Closure Support
  • Welfare Benefits
  • Social Policy
    • Gender Equality and Women’s Empowerment Project
    • Social Impact Funds
  • Labour and Employment
    • Starting Employment
    • During Employment
    • Ending Employment
    • Fair and Decent Workplace practices ​
    • STEPNZ program
    • Social Dialogue and Tripartism
    • Tools and Ressources
    • COVID19 response and recovery
  • Consumer Services
  • Forms, Fact Sheets & Policies
  • Contact
  • Home
  • Employment
  • COVID19 Support
    • MIGRANT WORKERS
    • WORKERS
      • Employment Services
      • Unemployment Benefit
      • Migrant Workers
    • BUSINESSES
      • Self Isolation Support
      • Wage Subsidy
      • Training Subsidy
    • FAMILY, ELDERLY & CHILDREN
      • One Off Welfare Support
      • School Closure Support
  • Welfare Benefits
  • Social Policy
    • Gender Equality and Women’s Empowerment Project
    • Social Impact Funds
  • Labour and Employment
    • Starting Employment
    • During Employment
    • Ending Employment
    • Fair and Decent Workplace practices ​
    • STEPNZ program
    • Social Dialogue and Tripartism
    • Tools and Ressources
    • COVID19 response and recovery
  • Consumer Services
  • Forms, Fact Sheets & Policies
  • Contact

AKARA AKAOUANGA I TE MONI MEANGITI-RAVA A TE ARONGA ANGAANGA – 2017 ( Maori )

You are here:
  1. Home
  2. Uncategorized
  3. AKARA AKAOUANGA I TE MONI…

 

I te tua o te ture o te Employment Relations Act 2012, kua akapapu mai te Minita Nicholas i tetai au mema tangata i runga i te Moni Meangiti-Rava, no te akarakara anga i te moni meangiti-rava a te aronga angaanga i roto i te Kuki Airani.

Ko te au mema, koia oki ko Sandrina Thondoo, Tango Ropianga; Kaipo Ingram, Ministry of Finance & Economic Management; Steve Anderson, Chamber of Commerce (no te au Akaaere e te au Arataki i roto i te au ngai angaanga); Tuaine Maunga, Cook Islands Workers Association (no te au aronga angaanga); e Vaitoti Tupa, Cook Islands Civil Society Organisation e te mata no te au putuputuanga.

Ko te akakoroanga o teia au mema i roto i teia putuputuanga, ko te akarakara anga i te turanga o te Moni Meangiti-Rava e te tuku anga manako ki te Minita e nana e tuku i tetai tikaanga no te reira tuanga moni. E maata te au mea ka uriuriia e teia putuputuanga me akarakara ratou i teia tuanga moni.  I te mataiti 2006, kua akatinamou ia te moni meangiti-rava ki te $5.00 i te ora.  I te mataiti 2014, i muri ake i te akarakaraia akaou anga, kua kake mai te moni ki te $6.00 i te ora, e 20% i runga ake i te moni tei akanoo ia i te mataiti 2006.  I te mataiti 2015, kua akara ia akaou te reira moni e kua kake akaou mei te $6.00 ki te $6.25 i te ora.  Kua raveia te uipaanga mua a teia putuputuanga i te ra 1 no Peperuare 2017, e ka uipaanga putuputu katoa ratou a teia au marama nei ki mua i muake ka akanoo ei ratou i to ratou manako tikai.

I raro ake i te ture o te Employment Relations Act 2012, ka anoano ia te Minita o te Tango Ropianga kia akarakara akaou i te Moni Meangiti-Rava i te au mataiti katoatoa. Ei tauturu i teia akanoonooanga, e peapa tetai i maani ia e ka anoano ia te katoatoa rava kia tauturu mai i te akaki i te reira peapa.  Ko teia peapa, e peapa te reira i te akakite anga mai i tetai au tu kaui me kare i tetai au kimikimi anga manako tikai te ka inangaro ia no te akatinamouanga i te moni meangiti-rava, e ka tuku iatu na roto i te nuti peapa (Cook Islands News) a teia Maanakai e tu mai nei ki mua.  Ka tuku katoa iatu na runga i te roro kupenga www.intaff.gov.ck. I te mea oki e ka riro te moni-meangiti rava ei taui i te turanga o te au tangata katoatoa i roto i te Kuki Airani nei, ka anoano ia te katoatoa i te tuku manako mai.

Ka riro te au manako o te katoatoa i te tauturu i te Kavamani i te akanoo tinamou i te moni meangiti-rava i roto i to tatou basileia. Ka rave ia tetai uipaanga na te katoatoa, e tetai uipaanga na te au aronga mamaata, e ka tuku katoa ia na roto i te ratio, te pia avata tutu, e to te pa enua katoatoa.

Ka raveia te uipaanga a te katoatoa no te akatanotanoanga i te Moni Meangiti-Rava a te Varaire ra 17 no Peperuare 2017 i te tuaero i te avatea, ki ko i te Tango Ropianga i Tupapa. Ka rauka mai te reira au peapa i roto i te reo Maori e pera katoa te reo Papaa e ka tuku katoa iatu te reira ki to te pa enua katoatoa.  Ki to Rarotonga katoatoa, me ka tika kia tiki mai kotou i ta kotou peapa ki ko i te Tango Ropianga me kare tuku mai i tetai emere kia matou no tetai peapa naau.

Ka ariki rekareka ia toou manako e ka anoano ia koe kia tuku mai i te reira i roto i te uipaanga a te katoatoa, me kare na runga i te ratio, me kare tuku tika mai na roto i te emere ki te [email protected], me kare fax mai i taau peapa ki te numero +682 26370, me kare apai mai ki te Tango Ropianga i Tupapa. Ka piri teia a te Monite ra 20 no Peperuare 2017 no te mea ka inangaro ia te ripoti openga a teia putuputuanga kia tuku iatu ki te Minita a te ra 1 no Mati 2017.

Me ka inangaro tauturu koe no runga i te uipaanga a te katoatoa me kare tetai peapa naau, taniuniu atu ki te Tango Ropianga, Labour and Employment Relations Office i runga i te tereponi 29370 me kare emere [email protected]

 

OPENGA

FINAL – 2017 MWReview Issues Paper MAORI

Word Count: 777

Issued by: Ministry of Internal Affairs

Contact: Sandrina Thondoo, Director of the Labour and Consumer Division & Elizabeth Hosking, Senior Labour Inspector- Ministry of Internal Affairs

Email: [email protected]           [email protected]

 

Category: UncategorizedFebruary 2, 2017

Post navigation

PreviousPrevious post:2017 MINIMUM WAGE REVIEW HAS COMMENCED, TIME TO VOICE OUT!NextNext post:MEDIA RELEASE – REDUCTIONS IN PA ENUA FUEL PRICES

Related posts

Cook Islands Social Impact Fund Request for Project Funding 2022
May 16, 2022
Expressions of Interest – Technical Advisor (TA) to conduct the review of the Cook Islands National Youth Policy 2015-2020
March 3, 2020
Expressions of Interests: S.I.F Board Member
February 6, 2020
REQUEST FOR TENDER – KOPU TANGATA MATUTU FAMILY WELL-BEING COUNTRY PLAN
November 24, 2019
RAROTONGA COMMUNITY BEAUTIFICATION PROGRAMME INVITATION TO TENDERS
April 1, 2019
2018 Minimum Wage Review report available
May 11, 2018
Ministry of Internal Affairs
© 2020 Cook Islands Ministry of Internal Affairs